හිටපු කතෝලික පාර්ලිමේන්තු මන්ත්‍රීවරයකු සහ ශ්‍රී ලංකාවේ අගෝස්තු 5 පාර්ලිමේන්තු මැතිවරණය සඳහා ගම්පහ දිස්ත්‍රික්කයේ අපේක්ෂකයෙකු සමරිසි ප්‍රජාව සම්බන්ධයෙන් කළ ප්‍රකාශයක් ඔහුටම පාරා වලල්ලක් වී ඇත.
ජුලි 27 වන දින අන්තර්ජාල සම්මුඛ සාකච්ඡාවකදී සමගි ජන බලවේගය නියෝජණය කරන අපේක්ෂක කවින්ද ජයවර්ධන කියා සිටියේ තමා කතෝලිකයෙකු බවත් පල්ලිය සමලිංගික සේවනය තරයේ හෙළා දකින බවත් කීවේය. අනතුරුව සමලිංගිකත්වය මානසික ආබාධයක් බවත්, සමරිසි ප්‍රජාවේ අයිතිවාසිකම්වලට තමා සහාය නොදක්වන බවත්, ශ්‍රී ලංකා සංස්කෘතිය තුළ සමරිසි ප්‍රජාවක් මෙතෙක් පැවති බවට කිසිදු සාක්ෂියක් නොමැති බවත් ඔහු පැවසීය.
“මේ දේවල් ගැන විවෘතව කථා කිරීම ළමයින්ට මේවා දැකීමට හා නරක ලෙස හැසිරීමට හේතු වේ” යනුවෙන් ඔහු පැවසීය. “අපගේ ඓතිහාසික ලේඛන කියවන්න. මෙම අපිරිසිදුකම අපේ ඉතිහාසයේ නොතිබුණි. මෙය සිදුවී ඇත්තේ අපි ලෝකයට විවෘත වීම නිසාය. අපි මෙම මානසික ආබාධ සඳහා විවෘත වී සිටිමු.” ජයවර්ධනගේ ප්‍රකාශය බොහෝ හිමිකම් ක්‍රියාකාරීන් හා විද්වතුන් හෙළා දැක තිබේ. සුළුතර අයිතිවාසිකම් ක්‍රියාකාරිකයෙකු වන අරුල් සුබසිංහ මහතා කියා සිටියේ දේශපාලකයන් සමලිංගිකත්වය උපායමාර්ගිකව භාවිතා කරන ආයුධයක් වන අතර මැතිවරණ කාලය තුළ දේශපාලන ක්ෂේත්‍රය තුළ තමන්ගේ ප්‍රතිරූපය ගොඩනඟා ගැනීම සඳහා සැබෑ ගැටළු සැඟවීමෙන් සමරිසි ප්‍රජාවට එරෙහි විරෝධය ප්‍රසිද්ධියේ ප්‍රකාශ කිරීම දේශපාලඥයන්ගේ ස්වභාව බවයි.
“මූලික කාරණය වන්නේ සමරිසි බාවය ශ්‍රී ලංකා සංස්කෘතියට පටහැනි ය යන වැරදි මතය පතුරුවා හැරීමයි. ඔවුන්ගේ ප්‍රතිවාදීන්ගේ අදහස් පිළිබඳව ඵලදායී විවේචන ඉදිරිපත් කරනවා වෙනුවට දේශපාලනඥයින් ප්‍රතිචාර දක්වන්නේ ඔවුන් සමලිංගිකයන් බව කියමිනි”, සුබසිංහ මහතා පැවසීය. ශ්‍රී ලංකාවේ සමලිංගික සේවනය නීති විරෝධීය.
පොදු ප්‍රවාහනය, පාසල්, සේවා ස්ථාන, සුපිරි වෙළඳසැල් සහ වෙනත් පොදු ස්ථානවල සමරිසි පුද්ගලයින්ට සමාජය වෙනස්කම් කරන බව ශාස්ත්‍ර ඥයෙකු වන රුවිනි මදුරපෙරුම මහතා පැවසීය.
“අපි මේ සියලු සුළුතර ප්‍රජාවන් දෙස සමාන අයිතිවාසිකම් ඇති පුරවැසියන් ලෙස සානුකම්පිතව බැලිය යුතු අතර ඔවුන්ට සමාජ අපකීර්තියෙන් මිදීමට උදව් කළ යුතුය. ඡන්දය ලබා ගැනීම සඳහා මෙවන් සුළු ජාතීන් අනිසි ලෙස භාවිතා කිරීමට දේශපාලඥයන්ට ඉඩ නොදිය යුතුය.”
“අපි තවමත් සමරිසි ජනතාව කොන් කර ඇති අතර ඔවුන් මනුෂ්‍යයන් යැයි කිසි විටෙකත් නොසිතමු. ජාතිය, ස්ත්‍රී පුරුෂ භාවය, ආගම් නොසලකා ප්‍රජාවේ සියලුම කොටස් සඳහා සමානාත්මතාවය සහතික කිරීම රජය සහ සමාජය සතු වගකීමකි.”
ඇතිවූ බරපතල ප්‍රතිවිරෝධය මත ජයවර්ධන සමරිසි ප්‍රජාවෙන් සමාව ඉල්ලා තිබේ.
“සමරිසි ප්‍රජාවේ සිටින මගේ සියලු මිතුරන්ගෙන් මම සමාව අයැද සිටිමි. ඊයේ මා ඇසූ ප්‍රශ්නයක් නිසා මා කිසිවෙකුගේ හිත් අමනාප කර ඇත්නම් අතිශයින් කණගාටුයි. මම අවංකවම ඉතා වෙහෙසට පත්ව සිටි අතර මා විසින් නොපැවසිය යුතු දෙයක් ප්‍රකාශ කර ඇත”යනුවෙන් ඔහු ට්විටර් පණිවිඩයකින් පැවසීය.
එසේම විශාල ලෙස පැතිරුණු වීඩියොවක් මගින් වී තමාට කම්පනය කර ඇති ව්‍යාජ වීඩියෝවක් මගින් සමලිංගික සේවනය පිළිබඳ ව්‍යාජ මතයකට තමා ගොදුරු වූ බවත්
ඔහුගේ ප්‍රතිරූපය අපකීර්තියට පත් කිරීම සඳහා පිරිසක් සමලිංගික ලිංගික පටයක් සංසරණය කළ බවට ජයවර්ධන මෑතකදී පොලිසියට පැමිණිල්ලක්ද ගොනු කළේය.
ප්‍රතිචාරයක් ලබාදෙන්න