බේරුට් පිපිරීම – පිපිරීම නිසා ඇමතිවරු ඉල්ලා අස්වේ

පිපිරීමේ කම්පනයෙන් විනාශ වන ගොඩනැගිලිවල අළුත් කැමරා කෝණයක් ග්ලොබල් නිව්ස් වෙතින්.

බේරූට්හි සිදුවූ විනාශකාරී පිපිරීමෙන් පසු ලෙබනන් රජයේ ඇමතිවරයෙක් ඉවත්ව ගොස් ඇති අතර පාලකයින්ට විරුද්ධ අඛණ්ඩ විරෝධතා ව්‍යාපාරයක් ලෙබනනය පුරා ව්‍යාප්තව ඇත.

තොරතුරු අමාත්‍ය මනල් අබ්දෙල් සමද් ඉල්ලා අස්වෙමින් කියා සිටියේ  මහා ව්‍යසනයේ කම්පණයට ප්‍රතික්‍රියා දක්වමින්  ඉල්ලා අස්වන බවත් වෙනසක් සඳහා වන මහජන කැමැත්තට ප්‍රතිචාර දක්වන බවත්ය.

අග්‍රාමාත්‍ය හසන් ඩයබ්ගේ සමීප උපදේශකයෙකු වන තවත් ඇමතිවරයෙකු ද ඉල්ලා අස්වීමට අපේක්ෂා කරන බව මේ අතර ප්‍රාදේශීය මාධ්‍ය වාර්තා කරයි.

ලෙබනන් හමුදාව ඉරිදා කියා සිටියේ පිපිරීමෙන් පසු තවත් දිවි ගලවා ගත් අය සොයා ගැනීමේ බලාපොරොත්තුව මැකී යමින් පවතින අතර පුද්ගලයින් 21 දෙනෙකු තවමත් අතුරුදහන් වී ඇති බවයි.

ලෙබනනයේ අගනුවර ප්‍රචණ්ඩකාරී රාජ්‍ය විරෝධී උද්ගෝෂණ රාත්‍රියක් ගතවීමෙන් පසුව පිපිරීම පිටුපස ඇති වැරදි කළමනාකරණය සහ දූෂණය පිළිබඳව මහජන කෝපය වැඩි වෙමින් පවතී.

අඟහරුවාදා බේරූට් හි සිදුවූ විනාශකාරී පිපිරීමෙන් අවම වශයෙන් පුද්ගලයින් 158 දෙනෙකු මිය ගොස් 6,000 කට වැඩි පිරිසක් තුවාල ලබා ඇති අතර නගරයේ සමහර ප්‍රදේශ සම්පූර්ණයෙන්ම විනාශ විය.

මෙම පිපිරීම සිදුව ඇත්තේ ඇමෝනියම් නයිට්රේට් ටොන් 2,750 ක් – පොහොරක් ලෙස හා පුපුරණ ද්‍රව්‍ය ලෙස භාවිතා කරන රසායනික ද්‍රව්‍යයක් වන අතර එය වසර හයක් තිස්සේ වරාය ගබඩාවක අනාරක්ෂිතව ගබඩා කිරීමෙන් පසුව ඇතිවූ  ගින්නකින් බව ලෙබනන් ජනාධිපති මයිකල් අවුන් පවසයි.

ලෙබනන් පාර්ලිමේන්තුවේ මන්ත්‍රීවරුන් 128 දෙනාගෙන් පස් දෙනෙකු සෙනසුරාදා සිට ඉල්ලා අස්වන බව ප්‍රකාශ කර තිබේ.

එහෙත් රටේ ඉහළම කතෝලික පූජකවරයා කියා සිටින්නේ “පාලනය කරන ආකාරය වෙනස් කළ නොහැකි” බැවින් “සමස්ත රජය” ඉල්ලා අස්විය යුතු බවයි.

“මන්ත්‍රීවරයකු හෝ ඇමතිවරයෙකුගේ ඉල්ලා අස්වීම ප්‍රමාණවත් නොවේ” යැයි ක්‍රිස්ටියන් මැරොනයිට් කුලදෙටු බෙචාරා බූට්‍රොස් අල් රායි පවසයි.

“රට යථා තත්ත්වයට පත් කිරීමට උදව් කළ නොහැකි බැවින් මුළු රජයම ඉල්ලා අස්විය යුතුය.”

නීතීඥ මායා හබ්ලි පැවසුවේ “ජනතාව වීදිවල නිදාගෙන රජයට වැටෙන තුරු උද්ඝොෂණ කළ යුතුයි.”

සෙනසුරාදා සවස රූපවාහිනී කතාවක දී ඩයබ් මහතා කියා සිටියේ එකම විසඳුම ඉක්මන් මැතිවරණයක් පැවැත්වීම බවයි.

සියළුම දේශපාලන පක්ෂවල එකඟ නොවීම් පසෙක තබන ලෙස ඉල්ලා සිටි ඔහු, දේශපාලඥයින්ට ව්‍යුහාත්මක ප්‍රතිසංස්කරණ සඳහා කටයුතු කිරීමට කාලය ලබා දීම සඳහා මාස දෙකක් එම තනතුරේ රැඳී සිටීමට සූදානම් බව පැවසීය.

ප්‍රංශ ජනාධිපති එමානුවෙල් මැක්‍රොන් සහ එක්සත් ජාතීන්ගේ මහලේකම් ඇන්ටෝනියෝ ගුටරෙස් එක්ව ඉරිදා ජාත්‍යන්තර සමුළුවක් ලෙබනනයට හදිසි ආධාර හා උපකරණ සැපයීම සඳහා ආධාරකරුවන් එක්රැස් කිරීමේ අරමුණින් කටයුතු කළහ.

“මතභේද තිබියදීත්, සෑම කෙනෙක්ම ලෙබනනයේ සහ එහි ජනතාවගේ උපකාරයට පැමිණිය යුතුය,” මැක්‍රොන් මහතා ප්‍රංශ රිවිරා හි ගිම්හාන පසුබැසීමේ වීඩියෝ සබැඳිය හරහා පැවසීය.

“අද අපගේ කර්තව්‍යය වන්නේ කඩිනමින් හා කාර්යක්ෂමව ක්‍රියා කිරීමයි.”

පිපිරීමෙන් පසු එක්සත් රාජධානිය තවත් ඩොලර් මිලියන 20 ක ආධාරයක් පොරොන්දු වී ඇති අතර “ලෙබනන් ජනතාව වෙනුවෙන් පෙනී සිටීමට” පොරොන්දු වී තිබේ.

ගලවා ගැනීමේ පැකේජය බ්‍රිතාන්‍ය රජය විසින් දැනටමත් ලබා දී ඇති ඩොලර් මිලියන 5 ට අමතරව වේ.

මේ අතර, එක්සත් ජනපද ජනාධිපති ඩොනල්ඩ් ට්‍රම්ප් සහාය දැක්වීමට ඇති කැමැත්ත පෙන්නුම් කරමින්, “සෑම කෙනෙකුටම උදව් කිරීමට අවශ්‍යයි!” ප්‍රකාශ කලේය.